Urwishe ya nka ruracyayirimo Chelsea ikomeje guhura n’uruva gusenya nyuma yo kwandagazwa na Brentford

Ikipe ya Chelsea nyuma y’aho umuherwe wayo Roman Abramovich afatiwe
ibihano na leta y’Ubwongereza kuri ubu ikomeje gukurikiranwa n’ingaruka zabyo kuko yatsinzwe n’ikipe ya Brentford ibitego 4-1 ibintu bitamenyerewe kuri iyi kipe gutsindwa n’amakipe mato.

Ubusanzwe shampiyona y’Ubwongereza ni imwe mu mashampiyona akundwa cyane ku isi bijyanye n’uko amakipe yaho hataba intoya cyangwa inkuru dore ko ikipe yose ishobora gutungurana ku buryo bukomeye igatsinda ikipe yitwaga ikigugu.

Uku ni nako byagendekeye ikipe ya Chelsea aho yatsindwaga n’ikipe ya Brentford ibitego 4-1 ndetse ikayihanangiriza iri no ku kibuga cyayo,ndetse iyi kipe ya Chelsea yanyagirwaga hari bamwe mu baherwe biteguraga kuyigura ngo ive mu maboko ya Roman Abramovich.

Umukino watangiye ikipe ya Chelsea idakina neza nk’uko isanzwe ikina ndetse umuzamu Edourd Mendy ukomoka mu gihugu cya Senegal yahaye umupira umukinnyi wa Brentford watakira iyi kipe gusa uyu mukinnyi ananirwa kubyaza umusaruro umupira yari ahawe.

Iyi kipe ya Chelsea abahanga bakomeje kuvuga ko yakinnye nabi kuburyo wabonaga ko abakinnyi bose ntabushake bafite ndetse iyi kipe yagowe cyane n’umukinnyi Christian Norgaad nubwo iyi kipe ariyo yatangiye ifungura amazamu ku gitego cya Antonio Rudiger.

Gusa bidatinze iki gitego cyaje kwishyurwa ndetse n’ibindi bikomeza kwisukiranya aho iyi kipe yagowe cyane n’uyu mukino yari yakiniye ku kibuga cyayo Stamford Bridge.

Aganira na BBC umutoza Thomas Tuckel yagize ati’’nta muntu n’umwe watekerezaga ko ibi byagombaga kuba dore ko twari twabanje gutsinda igitego 1-0 gusa byadutunguye cyane.

Yakomeje agira ati’’’twahagaritse kugarira bituma dutsindwa ibindi bitego bitandukanye ndetse rwose ibi byaje ari igihano gikomeye kuko twahise tujya mu byago bikomeye

Ikipe ya Chelsea yatsinzwe ibi bitego byose ifite abakinnyi bashoboka ndetse rwose nta gushidikanya ko iyi kipe itari mu bihe byiza na gato kuburyo ubu ikipe ya Tottenham na Arsenal zikomeje kwitwara neza nta kabuza kuko izi kipe bivugwa ko zanayambura umwanya wa gatatu imazeho igihe kinini nk’uko bikomeje kuvugwa n’abahanga bakanyujijeho mu mupira w’amaguru mu Bwongereza.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO