Urwitwazo nti rubura Darwin Nunez utaritwaye neza muri Liverpool atangiye kuzana iby’inka yarembye

Darwin Nunez ukinira ikipe ya Liverpool yatangaje ko yagowe bikomeye cyane no gufatisha muri iyi kipe ndetse agaragaza ibibazo bitandukanye ngo ariko bishingiye cyane ku mpamvu ze.

Rutahizamu Darwin Nunez yagowe cyane no gufatisha muri shampiyona dore ko amaze gutsinda igitego kimwe gusa kuva shampiyona y’Ubwongereza yatangira.

Ni mu gihe kandi uyu mukinnyi yatanzweho akayabo ka Miliyoni 64 z’Ama Pound ndetse yaje abakunzi benshi ba Liverpool bamwitezeho umusaruro ushimishije nyuma aza gukora amakosa akomeye ahabwa ikarita y’umutuku nyuma yo gutera umutwe umukinnyi mugenzi we.

Nyuma yo gukora ikosa yahawe ikarita itukura ndetse ahagarikwa imikino 3 adakina ndetse nyuma yo kuva mu bihano ntabwo yabashije kubona umwanya wo kubanza mu kibuga.

Uyu rutahizamu w’imyaka 23 y’amavuko avuga ko kuba atabasha kumva ururimi rw’icyongereza ngo bimugora ndetse bikagira ingaruka no mu mikinire ye.

Uyu musore avuga ko kuba atabasha kumva icyongereza bimugora kumva ibyo umutoza amwifuzaho ndetse atangaza ko azi gukoresha ururimi rwo muri Espagne gusa.

Nunez yaje muri Liverpool amaze imyaka ibiri muri Portugal hamwe na Benfica Lisbon

Nyuma yo guhagarikwa imikino itatu kubera ikarita itukura yahawe bakina na Crystal Palace, Nunez yananiwe gutsinda igitego mu mikino itanu yakiniye Liverpool.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO

To show your avatar with your message, register it first on gravatar.com (free et painless) and don’t forget to indicate your Email addresse here.