Usain Bolt ngo ubushuti bwe n’igikomangoma Harry bwaragabanutse cyane kuko yashatse umugore

Icyamamare mu marushanwa yo gusiganwa ku maguru Usain Bolt yatangaje ko atakivugana cyane n’igikomangoma Harry nyuma y’uko yashatse umugore. Nyuma yo gushaka avuga ko ubushuti bwabo bwagabanutse cyane.

Usain Bolt uvuga ko yari inshuti cyane n’igikomangoma Harry igihe yari akiri ingaragu, yavuze ko icyo gihe bakundaga kuba basohokana ahantu hatandukanye gusa nyuma yo gushaka umugore, bisa nk’aho yatangiye imigambi mishya y’ubuzima bwe.

Aba bombi baje kuba inshuti z’akadasohoka mu mwaka wa 2012 mu rugendo Harry yari yagiriye mu birwa bya Karayibe ndetse bakaza guhurira mu marushanwa yo kwiruka Harry akamutsinda.

Igikomangoma Harry atsinda Usain Bolt.

Kuva igikomangoma Harry yakwimukira muri Leta zunze ubumwe za Amerika hamwe n’umugore we Meghan Markle, ni kenshi yagiye avugwaho guhindura inshuti hamwe n’ibyamamare yashyikiranaga nabyo.

Usain Bolt avuga ko yari inshuti cyane na Harry kuburyo yari yanamwemereye kuzamukorera ibirori by’umuhuro.

Bolt yari yemereye kuzakorera Harry ibirori by’umuhuro bitatu kandi ahantu hatandukanye. Hamwe byari kubera i Kingston, i Vegas ibindi bikabera i London.

Igikomangoma Harry avugwa guhindura inshuti ze za kera harimo abo biganye, inshuti zo mu gisirikare n’abandi bantu yakundaga gusohokana n’abo kuburyo ubu asigaye akunda kuba ari hamwe n’ibyamamare byo muri Hollywood gusa.

Amakuru mashya avuga ko Harry ari hafi gushyira hanze igitabo kivuga ku buzima bwe muri rusange n’amasomo yakuyemo ndetse benshi mu nshuti ze za hafi zifite ubwoba ko ashobora kuzavuga amwe mu mabanga yazo.

Harry na Bolt ni inshuti kuva mu 2012.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO