Usenya urwe umutiza umuhoro Ubwongereza bwiyongeye kuri Amerika mu guha intwaro Ukraine

Ku nshuro ya mbere Ubwongereza bugiye koherereza Ukraine misile ziraswa kure, nk’uko byatangajwe na minisitiri w’ingabo, nubwo Uburusiya bwongeye kuburira uburengerazuba kutivanga muri iyi ntambara.

Minisitiri Ben Wallace yavuze ko intwaro zizwi nka ‘M270 multiple-launch rocket system’ zizafasha Ukraine kwirwanaho imbere y’Uburusiya.

Leta y’Ubwongereza ntabwo iremeza ingano y’izo ntwaro izohereza, ariko BBC yumvise se ko ku ikubitiro ari eshatu.

Icyo cyemezo kigendanye n’icya Amerika, nayo mu cyumweru gishize yatangaje ko izoherereza Ukraine ‘rocket system’.

Mu cyumweru gishize Perezida Vladimir Putin yavuze ko bazongera ahantu barasa muri Ukraine niba uburengerazuba bwoherereje Kyiv intwaro zirasa kure.

Ben Wallace atangaza biriya, yavuze ko bagomba gufasha Ukraine bayiha “intwaro z’ingenzi icyeneye mu kwirwanaho ku guterwa itarashotoranye”.

Ati: “Mu gihe imirwanire y’Uburusiya yahindutse, niko natwe ubufasha bwacu kuri Ukraine bugomba guhinduka.

“Izi ntwaro z’ubushobozi bukomeye zizafasha inshuti zacu za Ukraine kwikingira misile z’ubugome zirasirwa kure ingabo za Putin zirasa ku mujyi nta gutoranya.”

Ref: BBC

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO