Uwabaye Miss muri ‘Groupe Officiel y’I Butare’ ahatanye no muri MissRda2020

Nyinawumuntu Rwiririza Delice ni umwe mu bakobwa 19 bahatanye mu irushanwa rya Miss Rwanda 2020. Nubwo ahatanye muri 2017 yabaye Nyampinga w’ikigo cya Groupe Officiel y’I Butare,avuga ko umushinga we ari ugushishikariza abakobwa kwiga Siyansi.

Nyinawumuntu Rwiririza Delice ahatanye muri Miss Rwanda kuri nimero 33, Yiga ibijyanye no kwakira abantu muri kaminuza. Umushinga we ujyanye n’ubukangurambaga bwo gutinyura abakobwa kwiga amasomo ya Siyansi.

Avuga ku mushinga we yagaragaje ko abakobwa bakiri hasi mukwiga cyangwa gukurikirana ibijyanye na siyansi.

Nkuko bigaragazwa n’ababishinzwe byerekana ko abakobwa biga siyansi bakiri kuri 30% naho abakora imirimo ibasaba Science bakaba ari 18%.

Nyinawumuntu Rwiririza Delice, Yavukiye mu karere ka Huye, avuka mu kwezi kwa 5 aha hari mu mwaka wa 1998, avuka ari uwa 2 mu muryango w’abana 4 akaba ari nawe mukobwa wenyine akaba areshya na 1,70m.

Amashuri abanza yayize kuri EP de Musange I Butare, ay’icyiciro rusange ayiga kuri ‘Centre Scolaire Elena Guerra’ naho ni I Butare, Ayisumbuye ayarangiriza muri ’Groupe Officiel Y’ I Butare’ aho yigaga ibijyanye n’ubumenyamuntu, ubutabire n’ubumenyi bw’isi, (Biology,Chemistry and Geography), ari naho yatorewe aba Nyampinga w’icyo kigo muri 2017.


Nyinawumuntu Rwiririza Delice yabaye Miss mu kigo cya Groupe Officiel Y’ I Butare

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO