Uwahoze ari nyampinga wa USA yapfuye yiyahuye nyuma yo gusimbuka igorofa rya 60

Cheslie Kryst wabaye nyampinga wa USA 2019 yitabye Imana nyuma yo gusimbuka mu igorofa rya 60 aho yari atuye mu mujyi wa New York City.

Cheslie Kryst w’imyaka 30 yabaye nyampinga wa USA mu mwaka wa 2019. Ku itariki 30 Mutarama 2022 nibwo inkuru yatangiye gusakara hose ko yitabye Imana nyuma yo gusimbuka avuye mu igorofa rya 60 aho yari atuye.

Polisi ya New York yamaze kwemeza ko Cheslie yapfuye yiyahuye asimbutse mu nzu yabagamo iherereye i Manhattan mu gitondo cyo ku cyumweru.

Urupfu rw’uyu mutegarugori rwababaje benshi cyane kuko yakundaga gufasha abantu batandukanye dore ko usibye kuba yari Miss wa USA yari asanzwe ari umunyamategeko agakora n’ikiganiro kuri televiziyo.

Cheslie yari afite impamyabumenyi y’ikiciro cya gatatu mu mategeko yakuye muri kaminuza ya Wake Forest University ndetse yakoraga nk’umwunganizi mu mategeko muri Carolina y’amajyaruguru mbere yo kuba Nyampinga.

Cheslie atsindira kuba nyampinga wa USA 2019.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO