Uwasimbuye Bin Laden ku buyobozi bwa Al Qaeda nawe yahitanwe na misile za USA

Umukuru wa Al-Qaeda wasimbuye Osama Bin Laden ariwe bwana Ayman al-Zawahiri yamaze guhitanwa na Leta Zunze ubumwe za Amerika ku gitero cy’indege itagira umupirote yagabweho.

Uyu mugabo bamwivuganye kuri iki cyumweru mu gitero cyo kurwanya iterabwoba cyakozwe n’ikigo cy’Amerika cy’ubutasi cya Central Inelligence Agency (CIA) aho byabereye mu murwa mukuru wa Afghanistan Kabul.

Perezida Joe Biden yavuze ko Zawahiri yari "yaracuze urukurikirane rw’ubwicanyi n’urugomo ku baturage ba Amerika mu bihe bitandukanye.

Yongeyeho ati: "Ubu ubutabera buratanzwe kandi uyu mukuru w’abakora iterabwoba ntakiriho".

Biden yavuze ko yatanze uruhushya rwa nyuma rwo kugaba icyo "gitero kidahusha" kuri uwo mukuru wa al-Qaeda, wari ufite imyaka 71, nyuma y’amezi yari ashize icyo gitero gitegurwa.

Uyu mugabo Zawahiri yafashe ubuyobozi bwa al-Qaeda mu mwaka wa 2011 nyuma y’urupfu rwa Osama Bin Laden.

Biden yavuze ko Zawahiri yari yaranacuze umugambi w’ibindi bikorwa by’urugomo, birimo igitero cy’ubwiyahuzi cy’igisasu ku bwato USS Cole bw’Amerika busenya ibisasu bya misile, cyabereye i Aden muri Yemen, mu kwezi kwa cumi mu 2000, cyishe abatwara ubwato b’Amerika 17.

Iyicwa rya Zawahiri ribaye hashize hafi umwaka umwe abasirikare b’Amerika bavuye muri Afghanistan ku itegeko ryatanzwe na Biden, bisoza imyaka 20 igisirikare cy’Amerika cyari kimaze kiri muri Afghanistan.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO