Uwihirwe Yasipi yatsinzwe, Umunya-Tunisia yegukana Miss Africa Calabar

Sarra Sellimi wo muri Tunisia niwe waraye yegukanye irushanwa rya Miss Africa Calabar 2020 ryaberaga muri Nigeria aho yahigitse abakobwa 19 barimo na Uwihirwe Yasipi Casmir wari ahagarariye u Rwanda.

Ibi birori byabaye kuwa gatatu taliki ya 30 Ukuboza 2020, mu mujyi wa Calabar uherereye muri Leta ya Cross River. Nkuko ibindi bitaramo bigenda nabyo byitabiriwe n’abantu bake abandi babirebere kuri internet.

Sarra Sellimi wo muri Tunisia yegukanye iri kamba mu gihe Igisonga cya Mbere cyabaye Umunya-Nigeria, Ndah Gift naho Umunya-Namibia Julita Kitwe Mbangula yabaye Igisonga cya Kabiri.

Abakobwa 20 bose uko bari bahatanye habanje gutorwamo 10 ba mbere bari barimo na Uwihirwe Yasipi Casmir wari uhagarariye u Rwanda, aza kuza no muri batanu ba mbere.
Muri abo batanu yari ahanganye n’umukobwa wo muri Tunisia, Namibia, Nigeria ndetse na Tanzania.

Uwegukanye iri rushanwa yahembwe 35000$ (agera kuri miliyoni 34 Frw) n’imodoka nshya yo mu bwoko bwa Ford.

Ku nshuro ya gatatu Abanyarwandakazi bitabira iri rushanwa nta n’umwe uragira amahirwe yo kuryegukana uretse Muthoni Fiona Naringwa wabaye igisonga cya kabiri muri 2017 akurikiye umukobwa wo muri Botswana wari waryegukanye.

Abandi baserukiye u Rwanda barimo “Irebe Natacha na Muvunyi Tania” bagiye batahira aho nkuko byagendekeye Uwihirwe Yasipi Casmir.

Sarra Sellimi wo muri Tunisia niwe waraye yegukanye irushanwa rya Miss Africa Calabar


Yatsinze abakobwa 19 bari bahatanye harimo na Yasipi


Yasipi yaje mu bakobwa batanu ba mbere

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO