Uwitonze Sonia Rolland ari mu bakemurampaka ba Miss France 2021

Uwitonze Sonia Rolland ukomoka mu Rwanda akaba na Miss France 2000 yashyizwe mu ikipe y’abakemurampaka mu gikorwa cyo guhitamo umukobwa uzaba Miss France 2021.

Sonia Rolland yagiriwe iki cyizere mugihe muri 2018 nabwo yakoze aka kazi muri Miss Rwanda ubwo hatorwaga Iradukunda Liliane dore ko yaje no kumubera inshuti amusezeranya kujya amufasha mu bikorwa bimwe na bimwe.

Abinyujije ku rukuta rwe rwa Instagram Sonia yerekanye ko yishimiye izi nshingano yahawe – Ati “Ni amahirwe kuko nzaba ndi no kwizihiza imyaka 20 ishize negukanye ikamba rya Miss France.”

Biteganyijwe ko Miss France azatorwa tariki ya 19 Ukuboza 2020, uzatorwa akazaba asimbuye Clémence Botino wegukanye ikamba rya Miss France 2020.

Sonia Rolland ukunda kuza mu Rwanda nko mu gihugu yavukiyemo afite agahigo kuko ariwe mu Nyafurika wa mbere wabashije kwegukana ikamba rya Miss France.

Uretse kuba azwi muri aya marushanwa y’ubwiza amaze no kubaka izina muri Sinema y’isi byumwihariko ku mugabane w’Iburayi.

Yakinnye muri Filime zitandukanye nka ‘La colle, Chaos, Midnight in Paris, Madame, The French Minister, Une Vie Ordinaire n’izindi nyinshi.”


Sonia Rolland yishimiye ko ari mu bakemurampaka ba Miss France 2021


Yabaye Miss France 2000

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO