Cassa Mbungo yababajwe nibyo Rayon yatangaje kandi itaramwishyura

Umutoza w’ikipe ya Gasogi United Cassa Mbungo Andrew wahoze atoza Rayon Sport Fc umaze iminsi yishyuza iyi kipe y’abafana, yagaye Umuvugizi wa Rayon Sport washyize hanze amasezerano yari afitanye n’iyo kipe.

Cassa Mbungo Andrew aherutse gutandukana na Rayon Sport nyuma yuko yayitoje mu mikino yo kwishyura mike. Kuri ubu uyu mugabo arishyuza imishahara atahembewe igihe, yatozaga iyi kipe.

Mu kiganiro yagiranye na Radio 10, Cassa Mbungo yagize ati: “Birababaje cyane kubona umuntu afitanye amasezerano n’ikipe, umuvugizi atazi igihe yasinyiwe, Birababaje kubona abantu bafitanye amasezerano n’ikipe nka Rayon Sport biri mu itangazamakuru, umuntu akavuga imishahara y’umuntu ukagira ngo babyumvikaniye kuri Radio.”

Ati: “Birababaje kuba ushobora kuvuga ibinyoma ukavuga ko wahaye umuntu amafaranga. We (Umuvugizi Jean Paul) nabaze perezida igihe bampereye amafaranga kuko niwe twavuganye uwo muvugizi ntanubwo twigeze tuvugana yewe naho twicaye hose uwo muvugizi ntaho yagaragaye

Uyu mugabo yakomeje avuga ko nibiramuka byanze bazifashisha izindi nzego zikabakiranura.

Ati: “Njyewe mfitanye amasezerano na Rayon Sport, kandi bizakemurwa na Rayon Sport ariko ntabwo bizakemukira mu buryo bwo gutangaza ibinyoma mu buryo nkubwo nibyanga tuzifashisha izindi nzego ziturebera. Ariko Uwo bagaburiye bamutangaza kuri Radio uwo bafashije bikaba uko, biteye ubwoba.”

Cassa Mbungo Andrew arishyuza amafaranga agera kuri miliyoni 8, iyi kipe itamwishyuye mu gihe yari ayirimo.

Uretse kandi uyu mutoza wishyuza Rayon Sport, Alain Kirasa, yaraye agejeje ikirego mu Ishyirahamwe ry’Umupira w’Amaguru mu Rwanda FERWAFA, aho nawe ashinja Rayon Sport kuba itaramwishyuye amafaranga y’amezi 6.
Umtoza Cassa Mbungo urega Rayon Sport kuba itaramwishyura

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO