Uwo ukunda umukundana n’inenge ze ndetse ibibi ukabikosoza ibyiza – Yvan Buravan

Mu rwego rwo kwifatanya n’Abanyarwanda bose kwibuka ku nshuro ya 27 Jenoside yakorewe Abatutsi 1994, Umuhanzi Yvan Buravan yatanze ubutumwa bw’ubaka avuga ko ibibi umuntu akora aba agomba kubikosoza ibyiza.

Uyu muhanzi ubu butumwa yabunyujije ku rubuga rwe rwa Instagram agaragaza ko niba uri Umunyarwanda uboneye ugomba kuvuga amateka uko ari kugirango ibyabaye ntibizongere kuba ukundi.

Ati “Uwo ukunda umukundana n’inenge ze ndetse ibibi ukabikosoza ibyiza. Ibibi byacu ni amateka ya Genocide yakorewe abatutsi mu 1994.

Bikosozwa kubyemera, ukaba umunyarwanda uboneye uharanira u Rwanda rwunze ubumwe. Munyarwanda ukunda u Rwanda vuga amateka uko ari kugirango ntibizongere ukundi kandi ukore ibifitiye igihugu natwe abagituye akamaro, niko kubaka!”

Uretse ubu butumwa Buravan ni umwe mu bahanzi bagiye bifatanya n’abanyarwanda muri iki gihe bamaze cy’icyunamo aho yanasuye urwibutso rwa Gisozi ajya kunamira imibiri y’abatutsi bahashyinguwe.

Buravan ati "Munyarwanda vuga amateka uko ari bitazongera ukundi"

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO