Uyu ni umwanya wo kugaragaza ibikorwa byanjye – Victor Rukotana wasohoye indirimbo nshya

Umuhanzi Victor Rukotana yasohoye indirimbo nshya yitwa ‘Kideyo’ ishingiye ku nkuru mpamo yabaye ku munyamakuru avuga ko ubu agarukanye imbaraga zo gukora cyane kandi ibyo yifuza nyuma yo kubona abajyanama bashya.

Aganira na Genesisbizz yavuze byinshi ku mishinga ye muri iyi minsi nyuma yo gusinya amasezerano yo gukorana n’inzu ifasha abahanzi ya Edman Entertainment .

Rukotana yagize ati “Nyuma yo gusinya muri Edman Entertainment ubu ni umwanya wo kugaragaza ibikorwa byanjye ku rwego nifuza kandi nkateza imbere ibikorwa byanjye."

Ku bijyanye n’indirimbo ye nshya Kideyo yatubwiye ko ari indirimbo ibara inkuru yabaye kuri umwe mu nshuti ze za hafi ikaba yaramusabye ko yazayikoramo indirimbo mu rwego rwo kugaragaza ibibazo yahuye nabyo mu rukundo.

Yakomeje Ati “Ni umunyamakuru ariko sinamuvuga izina. Ubwo yari akiri mu cyaro ataraza mu Mujyi yakunze umukobwa akajya kumutereta ariko umukobwa buri munsi akamwangira. Yari afite agatazirano, ahimba amayeri yo kujya kubeshya umukobwa ko hari umusore urembye cyane ku buryo akeneye umuntu umutabara, ariwe yakunze amurwarira indege.”

Akomeza avuga ko uwo mukobwa yari asanzwe aziranye na Kideyo ariko atazi ako kazina ke yiyise. Yaragiye amutera impuhwe z’ukuntu hari umusore witwa Kideyo wamukunze byo gupfa ariko n’ubundi biba iby’ubusa aramuhakanira kandi n’ubundi yanavumbuye ko ariwe.

Mu ndirimbo, Victor Rukotana aririmba yishyize mu mwanya w’uyu munyamakuru akajya gutereta umukobwa ariko undi akigiza nkana.

Bitewe n’uko uyu muhungu yahoraga ajya kureba uyu mukobwa amubwira ukuntu amukunda, igihe kimwe ntiyagiye kumureba maze umukobwa yibaza icyo yabaye atangira umuhisi n’umugenzi abaririza umusore.

Mu ndirimbo, umukobwa atungurwa no gusanga umusore wahoraga ajya kumusura ari nawe umukunda. Uyu muhanzi avuga ko n’ubwo umunyamakuru yakoze uko ashoboye ngo aterete uyu mukobwa byarangiye atabashije kwegukana umutima we.


Mu ndirimbo ye nshya aba aririmba ku nkuru mpamo y’umunyamakuru

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO