VIDEO: Nakoze indirimbo y’umuco itaka igihugu ariko ntacyo byamariye – Fireman

Umuhanzi w’umuraperi Fireman avuga ko ababishinzwe bagakwiye gushyiraho uburyo bwo gufasha abahanzi bakora indirimbo z’umuco Nyarwanda bagashyigikirwa nkuko bafata umwanya wo kunenga iz’ibishegu.

Fireman ibi yabitanagrije mu kiganiro Access250 kuri Televiziyo ya Genesis aho yagarutse cyane ku mpamvu usanga abahanzi biharaje ibishegu ngo kuko aribyo usanga bibinjiriza kurenza iz’umuco.

Ati “Izo Ndirimbo z’ibishegu ntabwo nanjye mbishyigikiye kuko ndi umunyarwanda kandi tugira indangagaciro zituranga ariko niba ukomye urushyo koma n’ingasire kuko niba bishora abantu mu bitari byiza tugomba kubirwanya gusa ariko izo nziza zikitabwaho kugirango nabo bana bazikunde babona ko uwayikoze hari icyo yamumariye.

Niba hari indirimbo nzima ziba zakozwa zikwiye gushimwa zikanakurikiranwa imbi nyine ntizihabwe agaciro cyangwa zigacibwa.”

Fireman akomeza avuga ko yakoze indirimbo yitwa “Mama Rwanda” nziza yari ikozwe mu njyana y’ikinimba ariko ngo nta kintu yigeze imumarira.

Ati “ Iri mu mbyino ya Kinyarwanda izwi nk’ikinimba ariko nta kintu na kimwe yigeze imarira cyangwa yongera uretse kuba ikinwa kuri Radio gusa nta kindi yamariye wenda nku ku bikorwa bya leta nkuko yumvikana itaka igihugu.”

Icyo Fireman asaba ni uko hajyaho uburyo bwo gushyigikira indirimbo nk’izo mu rwego rwo kuzikundisha urubyiruko no kurwanya izo zirimo ibishegu.

Ikiganiro kirambuye twagiranye na Fireman

Indirimbo Mama Rwanda ya Fireman

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO