VIDEO: Udushya twaranze urugendo rwa Naason mu myaka irenga 10 ari mu muziki

Umuhanzi Nshimiyimana Naason usigaye akoresha izina rya Naason Solist ni umwe mu bahanzi bakoze indirimbo nyinshi ziganjemo iz’urukundo zakunzwe cyane mu myaka yashize , kuri ubu uyu musore nyuma yo gukora albumu yizo yakoze kera mu buryo bwa Acoustic yatangaje byinshi mu rugendo rwe rwa Muzika harimo N’udushya twibyo atazibagirwa.

Mu kiganiro yagiranye na Avenue 387 kuri Genesis TV yatangaje byinshi ku muziki we yatangiye ahagana mu mwaka wa 2010 kugeza ubu.

Abajijwe icyamuteye kwongera gusubiramo indirimbo ze za kera, Naason yasubije ko igitekerezo cye yagikuye ku bafana be bakomeje kugenda bamuhatiriza gusubirimo zimwe mu ndirimbo ze bakunze ariko bakaza kuzibura. Bituma mu gihe twari muri gahunda ya guma mu rugo ajya muri studio azisubiramo mu bundi buryo bugezweho kugira anezeze abafana be.

Muri icyo kiganiro yavuze ko mu myaka amaze akora umuziki yagiye ahura n’ibintu byinshi ahaba ibyiza ndetse n’ibibi.

Avuga ko kuva yatangira umuziki amafaranga yakoreye make ari igihumbi na magana atanu (1500frw).

Icyo gihe cyari igitaramo yakoreye mu ntara y’Iburasirazuba mu mwaka wa 2011 kibera muri Kaminuza ya INATEK I Kibungo. Icyo gihe yari hamwe n’abandi bahanzi barimo Urban Boys, Fireman n’abandi.

Ati "Twasoje igitaramo uwagiteguye atubwira ko abantu batigeze bishyura kandi mu byukuri njye narabonaga salle yuzuye. Narabimubajije ambwira ko yabinjirije ubuntu kubera ko hari habuze abishyura. Icyo gihe yaraducyuye angejeje mu rugo mbona ampereje 1500 ngo niyo yabonetse."

Ikiganiro cyose wareba iyi Video


Naason ari kugenda asubiramo indirimbo ze za kera zakunzwe mu buryo bugezweho

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO