Marina yasohoye indirimbo y’abakundana babihishanya - Video

Umuhanzikazi Marina Debol usanzwe ubarizwa mu nzu itunganya umuziki ya The Mane yashyize hanze amashusho y’indirimbo ye nshya irimo igitekerezo cy’abakundana ariko babihishanya.

Ingabire Marina Debol uhagaze neza mu ruhando rwa muzika Nyarwanda kuri ubu, yashyize hanze indirimbo ye nshya ‘Madede’ yemeza ko iri jambo ari ikinyarwanda.

Genesisbizz iganira na Marina Debol yavuze ko iyi ndirimbo ye nshya yise ‘Madede’ asobanura impamvu yayise gutyo aruko hari umuntu yumvise bamuhamagara iryo zina.

Ati "nabonye ari zina ribaho, nyuma y’uko mbajije umuntu witwa gutyo, mubajije impamvu ambwira ko ari Nyirakuru we wakundaga kurimuhamagara."

Marina avuga ko iyi atari inkuru yabayeho, ahubwo ari inkuru ibaho cyane cyane mu buzima bwo mu cyaro, aho abakundana bakunze gutinyana, ntibatere intambwe ya mbere mu kubivuga.

Uyu muhanzikazi akomeza avuga ko iyi ari inkuru itaramubayeho ariko bisanzwe Bihari, kuba ushobora gukunda umuntu ntuhite ubimubwira ugasa naho witinye.

Kubwa Marina avuga ko mu cyaro hari ukuntu uba ubona abakundana batinyana, ari nayo mpamvu mu ifatwa ry’amashusho y’iyi ndirimbo hifashishijwe ubuzima bwo mu cyaro, bwahise neza buhura n’iri zina ‘Madede’.

Mu magambo agize iyi ndirimbo, Marina aba agira ati: “Madede, Madede… amagambo yawe anyereka y’uko ubirimo, ibikorwa byawe bikanyereka ko nkurimo, kwihishira birimo birakuvuna…Ese ninde wagushutse ngo ukomeze ubimpishe…”

Iyi ndirimbo yafashwe amashusho na Julien Irankunda, uzwi nka Julien BMJizzo usanzwe ukorera mu gihugu cy’Ububiligi.

Dore amashusho y’indirimbo nshya ya Marina yise ‘Madede’:

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO