Virgil Abloh, wahanze imyambaro ya OFF-White yitabye Imana

Virgil Abloh, umuyobozi w’ubuhanzi wa Louis Vuitton akaba ari nawe washinze label yerekana imideli ya Off-White, yapfuye azize kanseri afite imyaka 41.

Mu kwerekana ayo makuru, isosiyete ikora imideli y’abafaransa LVMH yavuze ko Abloh yari "umuhanga" ufite “n’icyerekezo ".

Abloh yitabye Imana asize umugore we, Shannon, hamwe n’abana babiri.

Amagambo yanditse ku rubuga rwe rwa Instagram yamusobanuye ko ari "papa, umugabo, umuhungu, umuvandimwe, n’inshuti".

Mu mwaka wa 2019, Abloh bamusanganye umutima wa angiosarcoma - ni indwara idasanzwe ya kanseri, gusa icyo gihe ntiyabitangaza.

Mu itangazo basohoye bamuvugaho bagize bati : "Yahisemo kwihanganira urugamba rwe wenyine kuva yasuzumwa mu mwaka wa 2019, akorerwa imiti myinshi itoroshye, byose akaba yarafashaga ibigo byinshi bikomeye bigezweho, imyambarire, umuco."

"Muri ibyo byose, imyitwarire ye mu kazi, amatsiko atagira akagero n’icyizere ntabwo yigeze ahungabana."

Abloh yakunze gushimwa nkumwe mubashushanyaga cyane mubikorwa by’imyambarire ariko kandi yari DJ n’umuhanzi, afite impamyabumenyi mu bijyanye n’ubwubatsi.

Umuyobozi mukuru wa LVMH, Bernard Arnault, yagize ati: "Virgil ntabwo yari umuhanga mu buhanga, icyerekezo, ahubwo yari umuntu ufite umutima mwiza n’ubwenge bukomeye."

"Umuryango wa LVMH wifatanije nanjye muri iki gihe cy’akababaro gakomeye, kandi twese dutekereza ku bo akunda nyuma y’urupfu rw’umugabo wabo.”


Yakoranye n’ibyamamare bitandukanye harimo na Kanye West

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO