WORLDCup- U Rwanda mu itsinda ririmo na Uganda

Uyu munsi tariki 21 Mutarama habaye tombora y’uko amakipe azahura mu gushaka itike yo gukina imikino ya nyuma y’igikombe cy’isi izabera mu gihugu cya Quatar muri 2022, u Rwanda rwisanze ruri kumwe n’amakipe yo mu Karere ruherereyemo.

Iki gikorwa cya tombola y’amatsinda cyabaye kuri uyu mugoroba wok u wa 2 ku cyicaro cy’Impuzamashyirahamwe y’Umupira w’Amaguru muri Afurika (CAF) kiri i Cairo mu Misiri

Ikipe y’igihugu y’u Rwanda yisanze mu itsinda rya E aho iri kumwe na Kenya, Uganda, ndetse na Mali yo muri afurika y’Uburengerazuba, aho aya makipe yose agomba kwishakamo ikipe imwe izakina imikino ya nyuma yo gushaka itike yo gukina igikombe cy’isi kizabera muri Quatar muri 2022.

Itsinda risa nkaho ari ikigugu muri aya matsinda yose agera ku icumi, n’itsinda rya D, aho rihuriramo amakipe arimo Cameroon, Cote Du Ivoire, Mozambique ndetse na Malawi.

Iyi mikino ikaba iteganyijwe gutangira muri Werurwe uyu mwaka wa 2020.
Ninde ufite amahirwe yo kujya mu gikombe cy’Isi muri 2022?

Ibihugu 10 bya mbere muri ayo matsinda bizahura hagati yabyo na bwo hagendewe ku buryo bihagaze ku rutonde ngarukakwezi rwa FIFA (bitanu bihagaze neza mu gakangara ka byo, na bitanu biri hasi mu kandi), byishakemo bitanu bibona itike y’Igikombe cy’Isi cya 2022 kizabera muri Qatar nyuma yo gukina umukino ubanza n’uwo kwishyura.

Bibayeho amakipe yombi akanganya ibintu byose nyuma y’imikino yombi, hashyirwaho umukino wa gatatu wabera ku kibuga cyihariye.

Iyi mikino yo gushaka itike y’Igikombe cy’Isi cya 2022 izarangira mu Ukwakira 2021, aho kugeza ubu Qatar ari yo yonyine ifite itike nk’igihugu kizakira irushanwa muri 32 azakina iri rushanwa rya mbere rikomeye mu mupira w’amaguru

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO