Haruna ati “Baduteguye neza cyane mu mutwe na Qatar twahajya”

Kapiteni w’ikipe y’igihugu Amavubi, ukinira ikipe ya Yanga Africans yo mu gihugu cya Tanzania, Haruna Niyonzima, yatangaje ko Amavubi nategurwa neza bishoboka cyane kwitwara neza mu itsinda arimo mu gushaka itike y’igikombe cy’isi kizabera muri Qatar.

U Rwanda ruri mu itsinda rya E aho ruri kumwe n’ibihugu bitandukanye birimo ibyo mu Karere ruherereyemo. Ibyo bihugu ni Uganda, Kenya ndetse na Mali yo ibarizwa muri afurika y’Uburengerazuba.

Mu kiganiro kigufi yagiranye na Genesisbizz, Haruna Niyonzima yatangaje ko u Rwanda rwakwitwara neza aruko habanje gutegurwa neza, bihereye mu mutwe.
Ati: “Ku bwanjye mbona tubishyize mu mutwe tugategura neza byashoboka ko twitwara neza.”

Haruna Niyonzima Kapiteni w’igihugu cy’u Rwanda Amavubi.

Ikipe y’igihugu y’u Rwanda Amavubi, iri mu itsinda rimwe n’makipe arimo Uganda, Kenya na Mali, nta kipe n’imwe iragera mu mikino ya nyuma y’igikombe cy’isi.

Minisiteri ya Siporo mu Rwanda, iherutse kongerera igihe cyo gutoza Amavubi, uwari umutoza wayo Mashami Vincent, cyane cyane ahanini mu rwego rwo gutegura iyi mikino iteganyijwe gutangira mu kwezi kwa Werurwe muri uyu mwaka.

Mashami Vincent uherutse kongererwa igihe cyo gutoza Amavubi.
Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO