Wa mukobwa wafungishije Ba Davis D yasabye imbabazi asobanura uko byagenze

Umukobwa wavuzwe mu nkuru z’uko ariwe wafungishije abahanzi Davis D, Kevin Kade na mugenzi wabo ufotora yabasabye imbabazi avuga ko ibyabaye nawe byamutunguye cyane.

Aba bahanzi bafunzwe bashinjwa gusambanya uwo mwana w’umukobwa byavugwaga ko atujuje imyaka 18 y’ubukure.

Uyu mukobwa ayitw Kayesu Sharon Manzi, afite imyaka 18 y’amavuko nkuko yabitangaje mu kiganiro yakoranye n’umunyamakuru Yago.

Yagiye avuga ubushuti bwa buri umnwe aho yatangaje ko bwa mbere yabanje kumenyana na Thierry (Ufotora) wari usanzwe ari inshuti ya musaza we ndetse akaba yaramufotoraga nta kindi kintu kidasanzwe bari bahuriyeho .

Ku ruhande rwa Kevin Kade avuga ko bari bamaze umwaka umwe bamenyanye kandi nabwo kuri telefone kuko bari batarabonana amaso ku maso.

Davis D we rwose yashimangiye ko uretse kumubona mu binyamakuru ntahandi hantu bari barigeze bahurira.

Sharon yatangaje ko uriya munsi bariya basore bafungwa yari yabanje gutembera n’inshuti ze ariko nyuma Kevin Kade akaza kumuhamagara barabonana aribwo yamusangaga kwa Davis D icyo gihe ntibamaranye umwanya kuko yahise asubirayo.

Ati “Icyo gihe nta n’ikintu yigeze ankoraho rwose bitandukanye nibyagiye bivugwa.”

Sharon yavuze kandi ko nyuma yo gutanga ibizamini kwa muganga yahise atangira kugira icyizere cyinshi kuko nawe ubwe yari azi neza ko bariya basore ari abere nta kintu na kimwe bigeze bamukoraho.

Sharon abajijwe niba koko nyirarume bivugwa ko ari umuntu ukomeye mu nzego za polisi y’igihu, yavuze ko kuba akoramo ntaho bihuriye n’ifungwa rya ba Davis D na Kevine Kade gusa we icyo yakoze nk’umubyeyi yatanze ikirego muri RIB bikurikiranwa n’inzego zibishinzwe.

Hari abagiye bavuga ko ari umwana wigize ikirara cyangwa se indaya.
Ati “Ibyo byose ntabwo nigeze mbiha agaciro kuko nari ndajwe inshinga no kumenya neza niba bariya basore bafungurwa.”

Yakomeje agira ati “Mfashe umwanya wo gusaba imbabazi Davis kuba yarisanze mu kibazo cye kandi ntaho bari baziranye, undi yasabye imbabazi ni Thierry kuba yaramuteje ibibazo bikamugiraho ingaruko kuko iminsi yose yamaze afunze byatumye akazi gahagara. Ku ruhande rwa Kevine Kade yamusabye imbabazi kuba ibi bibazo byaratumye imishinga ye idindira, yakomeje asaba imbabazi ababyeyi n’umuryango we hamwe n’Abanyarwanda bose.”

Kayesu Sharon Manzi ni umukobwa w’imyaka 18

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO