Walcott agiriye inama ikomeye Bukayo Saka ukomeje kubwirwa amareshyamugeni na Manchester City

Theo Walcott wahoze akinira ikipe ya Arsenal yamaze kugira inama umukinnyi ukiri muto uri mu beza mu ikipe ya arsenal ariwe Bukayo Saka dore ko Walcott avuga ko uyu musore aramutse agiye mu ikipe ya Manchester City yahita asubira inyuma.

Umukinnyi James Theo Walcott yatangaje ko umukinnyi Bukayo Saka yaguma mu ikipe ya Arsenal dore ko avuga ko uyu musore w’imyaka 20 y’amavuko afite umwanya mwiza wo gukina mu ikipe ya Arsenal ndetse akaba avuga ko uyu mwana ubwo yaba agiye mu ikipe ya Manchester City atazongera kubona umwanya wo gukina mu ikipe ya Manchester City.

Umukinnyi Bukayo Saka kuri ubu ni umwe mu bakinnyi bubakiweho cyane n’ikipe ya Arsenal dore ko uyu musore yakomeje gufasha ikipe ya Arsenal mu mikino itandukanye ndetse kuri ubu Walcott avuga ko umukinnyi Saka ariwe mukinnyi ugomba kubakirwaho n’ikipe ya Arsenal mu mikino mikino itandukanye.


Ubwo Walcott yaganiraga na Talk Sports yavuze ko umutoza Mikel Arteta afite imishinga itandukanye kandi ikomeye ndetse abonako Saka ari umukinnyi ukwiye kuba hafi y’ikipe ya Arsenal muri iyo mishinga yose bafitanye.

Walcott yakomeje avuga ko ikipe ya Arsenal ikeneye nayo gukora ibishoboka byose kugirango ifashe Bukayo Saka kuyigumamo, gusa magingo aya ikipe ya Arsenal ikomeje kurwana urugamba rukomeye rwo gushaka uburyo bwo gusinyisha umukinnyi Bukayo Saka aho bifuza kumuha amasezerano y’igihe kirekire.

Uyu mukinnyi yatangaje ko Bukayo Saka akeneye kumva neza agaciro k’amahirwe abona yo gukina dore ko mu ikipe ya Arsenal ahora afite uwo mwanya ndetse yakomeje avuga ko igihe azerekeza mu ikipe ya Manchester City atazabona umwanya uhagije wo gukina.

Uwahoze akinira Arsenal Theo Walcott yagiriye inama Bukayo Saka

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO