Wari uzi ko Michael Jordan yinjiza amafaranga menshi ku mwaka kurusha umushahara w’abakozi bose ba Nike?

Michael Jeffrey Jordan ni umukinnyi w’icyamamare wamenyekanye cyane ku isi mu mukino wa basketball aho benshi mwamumenye ku izina rya MJ.

Uyu mugabo umukino wa basketball waramuhiriye cyane ku buryo kugeza uyu munsi yinjiza amafaranga menshi kurusha igiteranyo cy’umushahara w’abakozi b’uruganda rwa Nike.

Michael Jordan yavutse tariki 17, Gashyantare mu mwaka w’1963 avukira muri Leta zunze ubumwe za Amerika.

Mu bugimbi bwe Jordan yakundaga gukina umukino wa basketball, aho yakiniraga ikipe y’ikigo yigagaho.

Mu mwaka w’1984 nibwo Jordan yinjiye mu ikipe ya Chicago Bulls ndetse ageze aha muri iyi kipe nibwo yatangiye kwamamara cyane bitewe n’uburyo yashimishaga abantu kubera ibitego byinshi yatsindiye iyi kipe ndetse aho yaje guca agahigo ko kuba umwe mu bakinnyi beza iyi kipe yagize bayirinze gutsindwa (best defensive player).

Mu mwuga we wo gukina basketball, mu marushanwa 15 yakiniye ikipe ya Chicago Bulls yegukanyemo 6.


Michael Jordan yafashije ikipe ya Chicago bulls kwegukana amarushanwa menshi.

Michael Jordan afite imigabane isaga 80% y’ikipe ikina basketball yitwa Charlotte Hornets, akagira restaurant zirindwi ze bwite, agacuruza imodoka ndetse akagira n’imigabane mu ruganda rwa nike rukora inkweto zamwitiriwe izitwa Air-Jordan ndetse bitewe n’ibi bikorwa by’imirimo y’ubucuruzi ibyara inyugu uyu mugabo akora, bituma yinjiza amafaranga menshi ku mwaka kurusha umushahara abakozi bose b’uruganda rwa Nike rwo muri Malaysia bakorera ku mwaka.


Michael Jordan yinjiza amafaranga menshi ku mwaka kurusha umushahara w’umwaka abakozi b’uruganda rwa Nike rwo muri Malaysia bakorera.

Michael Jordan mu buzima busanzwe ni umugabo muremure kuko abura centimetero ebyiri gusa akuzuza metero ebyiri z’uburebure aho areshya na metero imwe na centimetero mirongo icyenda n’umunani (1.98 m) akagira ibiro mirongo icyenda n’umunani (98 kg).


Michael Jordan ni umugabo muremure cyane ugereranyije n’abandi bantu.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO