Wari Uziko inyamaswa z’inyamabere zikoresha amasegonda 21 kugirango zisoze kwihagarika!!

Nta muntu n’umwe wakurenganyiriza kujya mu bwiherero ugatindamo kuko abantu bakoresha igihe gitandukanye mu bwiherero bitewe n’impamvu zitandukanye, gusa ushobora gutungurwa n’ibyavuye mu bushakashatsi bwakozwe n’impuguke zo muri kaminuza ya Georgia Institute of Technology.

Ubushakashatsi buheruka gukorwa n’impuguke zo muri kaminuza ya Georgia Institute of Technology, bwerekanye ko ikigereranyo cyakozwe ku nyamanswa z’inyamabere zifite ingano y’ibiro by’umubiri wazo biri hejuru ya pounds 6 (izi zikaba z’ingana n’ibiro 2.721) basanze ko izo nyamanswa zose zikoresha nibura amasegonda 21 ku mpuzandengo kugirango zisoze kwihagarika.


Inyamanswa y’inyamabere yihagarika

Kuko abantu tubarizwa mu nyamabere rero, ubwo buri muntu wese ufite ingano y’ibiro birenze 2.721, ubwo bisobanuye ko ku mpuzandengo nawe akoresha amasegonda 21 igihe yihagarika kugirango inkari zibe zashize mu ruhago rwe.

Impamvu ari hafi ya buri muntu, ni uko bigoye kubona umuntu uri munsi y’ibiro 2, Kuko nibura n’uruhinja ruvutse rudafite ibibazo, ruvuka rufite ibiro 3.


umwana uvutse neza nibura avukana ibiro 3

Dukurikije ibyatangajwe n’urubuga rwa Live Science, rwatangaje ko impamvu abantu twaba dukoresha aya masegonda igihe twihagarika ngo biterwa n’imiterere y’igice kigize uruhago rw’umuntu icyo bita urethra, iki ni igice kimeze nk’umuyoboro utwara inkari uzivana mu ruhago zerekeza hanze.


Abagabo n’abagore bose bagira Urethra

Iki gice rero cya urethra cy’umuntu gikoze mu buryo bworohera inkari kuba zasohoka vuba kandi mu buryo bworoshye, iyi akaba ariyo mpamvu iyo umuntu yihagarika biba mu gihe gito cyane kandi bikihuta bitewe n’imiterere y’uruhago rw’umuntu.


Abantu natwe turi mu nyamanswa zibarizwa mu nyamabere.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO