Wayne Rooney yavuze amagambo akomeye ku mukinnyi Cristiano Ronaldo

Aganira n’itangazamakuru mu ijoro ryakeye Wayne Rooney wabaye umukinnyi ukomeye mu ikipe ya Manchester United ku ngoma ya Sir Alex Furgerson yamaze gutangaza ko ikipe ya Machester United ikwiye kurekura Cristiano Ronaldo hamwe na Paul Pogba.

Wayne Rooney mu ijoro ryakeye yaraye atangaje ko ikipe ya Manchester United ikwiye gusinyisha umutoza Mauricio Pauchettino kuko ariwe mutoza umenyereye shampiyona y’Ubwongereza ndetse akaba azwiho no kumenya kuzamura abakinnyi bakiri bato.

Uyu munyabigwi kandi yakomeje avuga ko ikipe ya Manchester United ikwiye kurekura umukinnyi Paul Pogba hamwe na Cristiano Ronaldo ndetse ngo iyi kipe ikwiye umutoza mushya kandi umenyereye shampiyona kandi ushobora no kubaka ikipe ishingiye ku bakinnyi bakiri bato.

Wayne Rooney aganira na Sky Sports yagize ati ’’ikipe ya Manchester United yatakaje umwimerere wayo kuko usanga buri mukinnyi wese akina ibyo yishakiye ndetse igihe kirageze ngo hubakwe ikipe nshya kandi yubakiye ku bakinnyi bashya kandi bakiri bato

Wayne Rooney yakomeje avuga ko ikipe ya Manchester United idashobora kugira irushanwa na rimwe ikina ryo ku mugabane w’I Burayi uyu mwaka ndetse anavuga ko iyi kipe ikeneye kumara imyaka itatu yiyubaka kugirango yongere kwitwara neza mu marushanwa atandukanye yo ku mugabane w’I Burayi.

Umukinnyi Wayne Rooney yabaye umukinnyi ukomeye w’ikipe ya Manchester United dore ko kuri ubu ariwe mukinnyi watsindiye ibitego byinshi iyi kipe muri shampiyona y’Ubwongereza ’’Premier League’’.

Wayne Rooney yatsinze ibitego 200 muri shampiyona y’Ubwongereza aho aza ku mwanya wa kabiri nyuma ya Aran Shearer.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO