White Money yegukanye ’Big Brother Naija’ yabaga ku nshuro ya 6

Icyamamare muri Nigeria White Money niwe wegukanye ibihembo by’ irushanwa rya Big Brother Naija 2021 yari ibaye ku nshuro yayo ya gatandatu aho yatsinze uwo babanaga ku mukino wa nyuma akabona guhembwa Miliyoni 90 z’amanaira amafaranga akoreshwa muri Nigeria.

Big Brother Naija Africa n’ikiganiro kinyura kuri Televiziyo ya BBNAija kiberamo imikino ivuga ku nkuru nyakuri uyu mwaka cyari gifite insanganyamatsiko igira iti “Shine your Eye.“

Igihembwe cya Big Brother naija nyuma y’uko gitangiye ku itariki ya 24 Nyakanga White Money yahise yigaragaza cyane nk’uwakunzwe n’abafana kuva mu gicuku kugeza mu rukerere niwe wavugwaga mu nzu baganiriragamo.

Icyi gihembwe cya 6 BBNaija cyamaze ibyumweru 10 cyabayemo impinduka nyinshi aho abahatana bose berekanaga ibintu bahimbye gusa bikaza kurangira abahatana bamwe birukamwe mu irushanwa kubera kwica amategeko.

Nyuma abandi bakinnyi basaga 26 bari muri iryo rushanwa bagiye birukanwa mu byumweru byagiye bikurikira kugeza ku munsi wa nyuma ubwo uwatsinze yaje kumenyekana.

Ku munsi wa nyuma w’irushanwa ’White Money’ niwe waje gutangazwa ko yegukanye irushanwa rya Big Brother Naija 2021, yegukana akayabo ka miliyoni 90 z’amanaira aho yahise ahabwa miliyoni 30 ako kanya naho izindi miliyoni 60 zikaza zikubiyemo ibintu byinshi uyu watsinze azakenera nk’ingendo n’ibindi byinshi.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO