Will Smith yasabye imbabazi nyuma yo gukubita Chris Rock urushyi ndetse umubare w’abamukurikira biyongereyeho abasaga miliyoni ebyiri

Will Smith yasabye imbabazi nyuma yo gukubita Chris Rock urushyi bitewe n’urwenya yari ateye ku mugore we, Yasabye imbabazi avuga ko ibyabaye yabitewe n’uburakari ndetse ko bitari bikwiye.

Mu butumwa burebure yanditse ku rukuta rwa Instagram yagize ati:" Ihohotera ryose uko risa kose ni ribi. Imyitwarire yanjye mu ijoro ryahise mu birori byo gutanga ibihembo yari mibi. Gutera urwenya rimwe na rimwe ni ibigize akazi kanjye, Gusa gutera urwenya ku burwayi bw’umugore wanjye byananiye kubyihanganira ndetse nkoreshwa n’amaragamutima."

" Mfashe uyu mwanya ngo nsabe imbabazi wowe Chris, Narengereye kandi nakoze amakosa, Ntewe ipfunwe no kuba ntabashije kwerekana umugabo nifuza kuba we. Nta mwanya n’umwe urugomo rufite mu isi yuzuye urukundo n’ubuntu."

" Nsabye imbabazi nanone abategura irushanwa rya Oscar Awards, abatunganya ikiganiro n’abitabiriye na buri wese wakurikiye ikiganiro aho muri hose ku isi. Nsabye imbabazi umuryango wanjye....."

" Ndicuza ko imyitwarire yanjye yateye icyasha urugendo rwiza twubakanye."

Akandi gashya kabaye ni uko mu gihe uyu mugabo ’Will Smith’ yakubitaga Chris Rock urushyi, bukeye bwaho ku wa mbere yanditswe mu bitangazamakuru byinshi aho yari afite abamukurikira basaga miliyoni 60 kuri Instagram ariko ubu kuva igihe twateguraga iyi nkuru yari amaze kugira abamukurikira basaga miliyoni 61.8.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO