Willy Ndahiro yagizwe umuyobozi mukuru w’agateganyo wa ‘Rwanda Film Federation’

Umukinnyi wa Filime Willy Ndahiro yagizwe umuyobozi mukuru wa Rwanda Film Federation w’agateganyo asimbura Kwezi Jean weguye kuri izo nshingano ku mpamvu ze bwite.

Kuri uyu munsi taliki ya 27 Mata 2021 nibwo iyi federasiyo yasohoye intangazo rigenewe Abanyamakuru rivuga ku kwegura ku wari umuyobozi mukuru ariwe Kwezi Jean.

Muri iryo tangazo bagize bati “Nyuma y’uko uwari umuyobozi mukuru wa Rwanda Film Federeation, Bwana Kwezi Jean yandikiye inteko rusange ya federasiyo ayisaba kwegura ku nshingano yarafite zo kuyobora Rwanda film federation,

Dushingiye ku myanzuro y’inama y’inteko rusange idasanzwe yateranye kuwa gatatu taliki ya 23 Mata 2021 ikiga kuri ubwo bwegure ikanabwemeza,

Turamenyesha Abanyarwanda bose hamwe n’inzego za Leta n’izabikorera zikorana na Rwanda Film Federation ko Bwana Kwezi Jean atakiri umuyobozi.

Ubuyobozi bwa Rwanda Film Federation buramushimira umuhate n’umurava wamuranze mugihe cyose yamaze ayoboye, buranamwizeza ubufatanye mu byateza imbere Sinema mu Rwanda mugihe cyose bizaba ari ngombwa.”

Willy Ndahiro wamenyekanye muri Film ‘Ikigeragezo cy’ubuzima’ niwe wafashe uyu mwanya wo kuba ayoboye Federasiyo ya Sinema mu Rwanda.

Mugihe hataratorwa undi mu buryo bwemewe niwe bashyizeho mugihe cy’amezi ari hagati ya tatu n’atandatu kuko yari asanzwe amwungirije.

Mu kiganiro yagiranye na Genesis TV yavuze ko mugihe Kwezi yamaze ayoboye ibyinshi yari yarabasezeranyije yabigezeho kandi ko yizeye ko nawe mugihe cye azakora byinshi kandi byiza.

Kubijyanye no gutora umuyobozi mushya yavuze ko bazabitangaza mugihe bizaba byabaye.

Ati “Ntabwo turatangira kwemeza igihe hazatorwa undi muyobozi mukuru, gusa hariho ababishinzwe nibo bazagena icyo gihe noneho ku babishaka bujuje ibisabwa biyamamaze ubundi hazatorwe undi.”

Kwezi Jean yatowe nk’umuyobozi mukuru wa Rwanda Film Festival taliki ya 18 Kanama 2016 asimbuye uwitwa Ntihabose Ismael.


Willy Ndahiro wabaye umuyobozi wa Rwanda Film Federation w’agateganyo


Kwezi Jean weguye ku buyobozi

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO