Wiz Khalifa yagiriye inama abaraperi bagenzi be ko bakwiye kwirinda kwambara imikufi y’ibiciro bihanitse kugirango birinde gushyira ubuzima bwabo mu kaga

Wiz Khalifa yagiriye inama abaraperi n’abahanzi bagenzi be muri rusange ko kwambara imikufi y’ibiciro bihanitse ntacyo byabamarira ndetse ko ahubwo bishyira ubuzima bwabo mu kaga kurushaho.

Abahanzi n’ibyamamare ni bamwe mu bantu tumenyereye ko bambara imikufi y’ibiciro bihanitse ikoze muri zahabu, diyama, imiringa n’andi mabuye y’agaciro, Bamwe muri bo hari n’abafata amadeni bakikopesha ariko kugirango bagaragare neza, Ibi bitandukanye cyane n’uko Wiz Khalifa abibona.

Mu kiganiro aheruka kugirana n’imwe muri radiyo yakomoje ku myitwarire cyane iranga abaraperi b’iyi minsi aho bambara imikufi ibarirwa akayabo k’ama miliyoni.

Yagize ati:" Nibyiza ko dukura amaso kuri ibyo ahubwo tugashora amafaranga mu bindi bintu bitandukanye, Tekereza ku bwicanyi bwose tubona bugenda buba, kwambara imikufi ihenze bimeze nko kwirahuriraho umuriro, wambara ibihenze ushaka ko abantu bakubona, abo bakaba aribo bakwica bashaka kukwambura"

Yakomeje avuga ati:" Njye iteka ndi umuntu ubanza gutekereza ku mutekano we, niba nshobora kwinjira mu nzu sintume abantu barangarira imikufi ihenze nambaye, nzakomeza mbikore kuko sinifuza gukurura amakimbirane no gutuma bamwe bifuza kunsagarira bitewe n’ibyo ntunze."

Abajijwe niba kwambara imikufi abibona nk’ibigezweho, Wiz Khalifa w’imyaka 35 ahubwo yavuze ko abambara imikufi ibi rwose ngo bitagezweho mu isi no mu mico y’abaraperi.

Wiz Khalifa agira inama abahanzi yo kwirinda kwambara imikufi ihenze

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO