Yakoze indirimbo ayita Israel Mbonyi, We ati “Ni Ibitangaza”

Umuhanzi ukora indirimbo zo kuramya no guhimbaza Imana witwa “Ganza Betty” yakoze indirimbo ayita ‘Israel Mbonyi’ aho aba avuga kuri uyu musore ngo waje ku Isi agakoresha impano ye mu ndirimbo zifasha abantu.

Ni indirimbo yitwa “Israel Mbonyi” aho iri ku rubuga rwa You tube ifite iminota itatu n’amasegonda 51.

Uyu mukobwa utazwi muri muzika Nyarwanda yatunguranye aririmba uyu muhanzi wubatse izina mu muziki wo kuramya no guhimbaza Imana.

Aririmba agira ati “Mbonyi mukozi w’Imana wakoze indirimbo nziza zifasha abantu si ukukurata ibyo wakoze biragaragara, abakuru n’abato bose barabihamya.”

Uretse kuririmba ashima Imana hari n’aho agera agashima umubyeyi wa Israel Mbonyi wamwibarutse.

Ati “Ndagushima Mana wowe utanga impano nzima n’uburyo bwo kuzikoresha. Njye ndashimira uwakubyaye yagutwite amezi icyenda yose arashira, Imana yamurindiye intambwe z’ibirenge byose umubyeyi ni urukundo arigengesera amezi icyenda yose agashira.

Babyeyi dukunda mwigishe abana banyu gukunda Imana ejo bazavemo Isreal Mbonyi mushya.”

Israel Mbonyi aganira na Genesis TV yavuze ko ari ibintu bitangaje.

Ati "Ni Igitangaza!! Mbuze icyo nabivugaho ariko uyu munti Imana imuhe umugisha pee."

Genesisbizz

Related Articles

Ibitekerezo

  • - IBITARAMU BYAMBO NYE

    UMUHANZIFIYAWE

Igitekerezo cyawe kirashyirwaho aruko gisusumwe

TANGA IGITEKEREZO