Yatewe ubwoba atungwa imbunda asabwa gufungura akabati karimo imikufi ikozwe muri zahabu! byinshi ku bujura bwakorewe mu rugo rwa Aubameyang

Kuri uyu wa 28 Kanama 2022 nibwo uwahoze ari rutahizamu wa Arsenal Pierre Emmerick Aubameyang yatewe n’abajura kabuhariwe bitwaje intwaro maze baramucucura karahava.

Muri iki gitero giteye ubwoba cyagabwe iwe,ibitangazamakuru bitandukanye byakomeje kwandika ko uyu wahoze ari rutahizamu wa Arsenal ngo yatewe ubwoba ndetse arafatwa arazirikwa ari nako atungwa imbunda asabwa gufungura akabati karimo imikufi y’akataraboneka ikozwe muri zahabu.

Nyuma yo kumucucura aba bene ngango babasize ari bazima icyakora ngo Aubameyang bamukomerekeje bakoresheje icyuma ubwo bageragezaga kumutera ubwoba.

Byatangajwe ko aba bene ngango banyuze mu busitani maze bagahita bahinguka mu rugo kwa Aubameyang bakamutera ubwoba maze bagatangira kumucucura bikomeye.

Amakuru kandi yakomeje avuga ko Aubameyang n’umugore we ngo baryamishijwe hasi igihe kitari gito ubwo ubu bujura bwari burimbanyije.

Umugore wa Aubameyang witwa Alysha, w’imyaka 36y’amavuko ngo , ​​yahatiwe gufungura agasanduku kari kuzuyemo ibintu by’agaciro birimo imikufi, bene ngango barabyandurukana.

Ubujura bwabaye ahagana mu ma saa saba z’ijoro ndetse nyuma y’amasaha make Aubameyang adakoreshejwe mu mukino ikipe ye yatsinze Real Valladolid ibitego 4-0.


Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO