Yvan Wulffaert uyobora Skol yavuze ko yifuza kumenya uwamushyize hanze

Umuyobozi w’uruganda rwa Skol mu Rwanda Yvan Wulffaert, yatangaje ko agiye gukurikirana ndetse akanamenya, uwamufashe amajwi yacicikanye ku mbuga nkoranyambaga, avuga kuri Rayon Sports n’uburyo iyobowe nabi.

Aya majwi yasohotse, yumvikanagamo umuyobozi w’uruganda rwa Skol rusanzwe rutera inkunga ikipe ya Rayon Sports, avuga ko ikipe ya Rayon Sports iyobowe nabi ndetse ko amafaranga basanzwe babaha ahagije. “ Rayon Sports ni ikipe idafite nyirayo, nta buryo butomoye bw’imiyoborere ifite, iyobowe nabi cyane.” Aha uyu muyobozi yabwiraga abakozi b’uruganda rwe afatwa amajwi n’umwe muri bo ayashyira hanze.

Ubwo ikiganiro n’itangazamakuru cyo ku murika ikipe ya Skol Adrien Cycling Academy cyarangiraga, uyu mugabo yabajijwe n’itangazamakuru iby’amajwi ye aho yaturutse, avuga ko agiye gukora ibishoboka byose akamenya umuntu wamufashe amajwi ndetse akanayashyira hanze.

Yagize ati: “Hari amakuru yagiye hanze, yasohotse iri kuvugwa hose ntabwo yari iyibitego, icya kabiri najye ndifuza kumenya aho yaturutse. Ariko icyangombwa nuko Skol na Rayon sport bafitanye ubufatanye kuva 2015 kandi buzarangira muri 2022 nta mpamvu rero tutaba tugifitanye ubufatanye nabo.”

Yvan umuyobozi wa Skol arikumwe na Murenzi Abdallah

Abajijwe kubyo ikipe ya Rayon Sports yifuza bihwanye no gukuba ibyo babahaga inshuro 4, yatangaje ko nta kintu ashobora kubitangazaho, avuga ko azagira icyo avuga nyuma y’irushanwa rya Tour Du Rwanda.

Rayon Sports ndetse na Skol ni abafatanyabikorwa kuva mu mwaka wa 2015, aho basinye amasezerano y’imyaka 7. Kuri ubu buri mwaka, Skol itanga amafaranga angana na Miliyoni 66 z’amafaranga y’u Rwanda.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO