Yverry yasinyishije umuhanzi ukora Gospel muri Kigali Records

Umuhanzi Rugamba Yves usanzwe uzwi mu muziki Nyarwanda nka Yverry yasinyishije umuhanzi ukora indirimbo zo kuramya no guhimbaza Imana witwa Serugo Jaques muri Label ye ya Kigali Records.

Uyu Serugo Jaques asanzwe akorera umuziki we mu gihugu cy’ubuholandi aririmba indirimbo zo kuramya no guhimbaza Imana.

Amakuru agera kuri Genesisbizz n’uko uyu musore yari amaze iminsi inaha aho yari yaraje mu bikorwa bye bya Muzika, aho bivugwa ko yaba yaranamaze kugira amasezerano y’imikoranire n’inzu ifasha abahanzi y’umuhanzi Yverry ya Kigali Record ikorerwamo na Producer HeavyKick.

Ku ruhande rwa Yverry yatangarije Genesisbizz ko nubwo batari bifuje kubishyira ku mugaragaro yatunguwe n’uburyo byamenyekanye.

Yagize ati "Nyuma yo kubona impano Serugo Jaques afite nifuje kumufasha kugira ngo ibikorwa bye bigere kure kabone ko ataba na hano mu Rwanda bijya bimugora kubimenyekanisha iyo akaba ariyo mpamvu ya mbere yatumye tumusinyisha."

Ku bijyanye n’amasezerano bagiranye uyu muhanzi yabigize ibanga avuga ko byo ari ibanga bitewe n’impamvu z’akazi kabo.

Rugamba Yverry asanzwe afasha abahanzi abinyujije muri studio ya Kigali Records

Umuramyi Serugo Jaques asanzwe akorera umuziki we mu Buholandi

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO