Yves Mutabazi wari waburiwe irengero yabonetse ari muzima

Umukinnyi w’ikipe y’igihugu y’u Rwanda ya Volleyball, Mutabazi Yves usanzwe ukinira ikipe ya Al Jazira SC yo muri Saudi Arabia ari naho yari yaburiwe irengero yabonetse ari muzima nkuko byemejwe na Ambasade y’u Rwanda muri Emirati zunze ubumwe z’Abarabu (UAE).

Ku munsi w’ejo hashize, tariki 23 Mutarama, nibwo hatangiye gucicikana amakuru avuga ko uyu musore w’imyaka 27 amaze icyumweru kirenga yaraburiwe irengero.

Gusa ku mugoroba w’uyu munsi nibwo Ambasade y’u Rwanda yatangaje ko Yves Mutabazi yabonetse kandi ari muzima.

Mu itangazo ryasohowe na Ambasade y’u Rwanda muri UAE, yavuze ko Yves Mutabazi yabuze kubera ikibazo cy’uburwayi gusa kuri ubu akaba ameze neza.

Iri tangazo ryakomeje risobanura ko mu rwego rwo kubaha amakuru bwite ye (Privacy) nyirubwite ariwe uzitangariza ibirambuye kw’ibura rye, niyumva yiteguye kubitangaza.

Mu kwezi kwa Ukwakira 2021 nibwo Yves Mutabazi yerekeje muri Al Jazira SC iherereye Dubai, nyuma yo kwitwara neza mu gikombe cy’Afurika cyabereye I Kigali mu mwaka ushize.

Ambasade y’u Rwanda muri UAE yatangaje ko Yves ameze neza.

Genesisbizz

Related Articles

Ibitekerezo

  • - ISHIMWE Don de Dieu

    kuva Ari muzima ndumva Ari sawa noneho

Igitekerezo cyawe kirashyirwaho aruko gisusumwe

TANGA IGITEKEREZO