Zari umwe mu bagore bakunzwe kubera ikimero cyabo yagizwe umwe mu bazayobora akanama nkemurampaka mu irushanwa ry’abanyamideli rizabera muri Afurika y’epfo

Zarinah Hassan ni umwe mu bagore bamamaye cyane kubera ikimero n’imiterere yabo, Uyu mugore ni umwe mu bavuga rikijyana ku mbuga nkoranyambaga aho akurikirwa n’abasaga miliyoni 10 kuri Instagram. Kuri ubu yamaze kugirwa umwe mu bazayobora irushanwa ry’imideli rizabera muri Afurika y’epfo.

Zarinah wamamaye cyane nka Zari The Boss Lady, ni umushoramari, akaba uvuga rikijyana ku mbuga nkoranyambaga ndetse akaba yaranamenyekanye mu biganiro byo kuri televiziyo.

Uyu mugore w’imyaka 41 yamaze kuba umwe mu bazayobora akanama nkemurampaka mu irushanwa ry’imideli ryitwa "South Africa Opulent Models competition " rizabera muri Afurika y’epfo.

Aya marushanwa ateganyijwe gutangira ku itariki 24 Gashyantare 2022 akaba azabera i Sun Arena, Muri Afurika y’epfo.

Uyu mugore asa nk’uri mu bihe bye byiza, kuko abonye aya mahirwe yo kuyobora iri rushanwa nyuma y’uko mu mwaka washize yatowe mu byiciro byinshi byahataniraga ibihembo, Aho yatsindiye igihembo cy’umugore witeje imbere w’umwaka.

Nanone aya mahirwe aje yiyongera kuri filime nshya ya Netflix yiswe Young, Famous and African , Aho uyu mugore azayigaragaramo. Ni filime biteganyijwe ko izagaragaramo ibindi byamamare bitandukanye harimo na Diamond Platnumz wahoze ari umugabo we.

Zari azayobora amarushanwa ya South Africa Opulent Models competition.

Zari ni umugore uri mu bihe bye byiza.

Zari na Diamond bakanyujijeho ndetse babyaranye abana.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO