Zimwe mu mpinduka mu irushanwa rya Head’s Up rigeze aharyoshye

Irushanwa ry’umuziki rigamije kuzamura impano z’abahanzi bataramenyekana rya "Head’s Up music Competion" ryarakomeje mu cyumweru dusoje aho ubu no gutora kuri internet byatangiye.

Mu cyumweru dusoje nibwo abanyempano icumi basigayemo mu irushanwa rya Head’s Up music competition barushanijwe buri umwe akanyura imbere y’abagize akanama nkemurampaka.

Buri umwe yaririmbaga indirimbo ye yihimbiye ariko akanyuzamo akaririmba n’indi y’umuhanzi akunda haba kubo mu Rwanda cyangwa hanze.

Nyuma yo kurushanwa kuri uyu munsi hatangiye igikorwa cyo kubatora kuko nabyo biri mu bizabaha amahirwe yo kwegukana iri rushanwa.

Gutora umunyempano ushyigikiye unyura ku rubuga rwa Genesisbizz.com (https://genesisbizz.com/) ubundi ugakanda ku cyiciro cya ‘Voting’ ubundi bakakugeza ahari abahatanye ugakanda ku ifoto y’uwo ushyigikiye ubundi ukamuha amahirwe yo kuba yakwegukana iri rushanwa.

Kimwe mu mpinduka zabayeho bitandukanye nuko mbere byakorwaga – Ubu akanama nkemurampaka kazamuwe kuko gafite 50%, naho gutora kuri internet bihabwa 40% mugihe amanota y’uko bazitwara muri Studio ari 10%.

Muri Studio ho biteganyijwe ko bazahura na Producer akabakorera indirimbo bitewe n’uburyo bitwaye akaba ariwe uzabaha ayo manota.

Nyuma yo gukorerwa izo ndirimbo biteganyijwe ko hazongera hakabaho ku rushanwa ari nabwo hazamenyekana uwatsinze kuri uwo munsi “Taliki ya 26 Ukuboza 2020.”

Uzegukana iri rushanwa azahabwa amafaranga y’u Rwanda angana na Miliyoni imwe anakorerwe indirimbo esheshatu harimo ebyiri zifite amashusho.

Uzaba uwa kabiri we azahabwa ibihumbi 500frw naho uwa gatatu we ahabwe ibihumbi 300frw.

Abasigayemo mu Irushanwa

1 . Dusenge Jean Michel
2 . Iyakaremye Mugisha Theoneste
3 . Aime Igabe
4 . Herniette Umwali Ineza
5 . Uwajeneza Cabella
6 . Elie Maniraguha
7 . Asifiwe Prince
8 . Mugisha Prince
9 . Iradukunda Fabiola
10 . Niyibizi Jean Claude

Abicaye ni abari bagize akanama nkemurampaka aribo Producer Maurix, Niragire Marie France, n’umunyamakuru Bona Kuku.

Abanyempano 10 basigayemo mu irushanwa

Bose icyizere cyo kwegukana irushanwa ni kinshi

Uko abanyempano bigaragaje mu cyiciro kibanziriza icya nyuma

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO