Zuchu yahishuye ko Diamond ari umuntu w’agaciro kandi kumurongora ari amahitamo ye

Umuhanzi Zuhura Othman uzwi nka Zuchu ukorera umuziki mu nzu ifasha abahanzi ya Wasafi y’umuhanzi Diamond Platnumz yahishuye byinshi ku muziki we ndetse n’ibivugwa ku rukundo rwe na Sebuja.

Guhera mu mpera z’umwaka ushize mu kwezi kwa Cumi n’abiri nibwo mu itangazamakuru ritandukanye rikora ibijyanye n’imyidagaduro hano muri Afurika y’iburasirazuba ryatangiye kuvuga ko uyu mukobwa ari mu rukundo na Diamond ndetse banateganya gukora ubukwe nawe ku munsi w’abakundana wa Saint Valentin.

Mu kiganiro na Wasafi Tv uyu mukobwa yavuze akarimurori ku bivugwa ku rukundo rwe na Diamond Platnumz, Ubwo yabazwaga icyo kibazo uyu mukobwa yavuze ko Diamond ari Boss we atari umukunzi we kandi amufata nk’umuyobozi kandi yizera ko bizakomeza.

Abajijwe ku kuba mbere yo kwinjira mu kiganiro Diamond Platnumz yamuhamagaye akamubuza kuba yagira icyo avuga kubiri kubavugwaho Zuchu yavuze ko aribyo yamuhamagaye ashaka kumenya niba yagize muri Studio amahoro neza , nta kindi kintu bavuganye.

Ku bijyanye no kuba abana na Diamond mu nzu, yavuze ko ibyo bintu ataribyo ko afite aho aba kandi abantu benshi bazi ahantu ataha, igituma ajya kwa Boss we mu rugo ni nk’uko n’abandi bakozi ba Wasafi bajyayo.

Zuchu abajijwe ku bijyanye no ku gikorwa kiri gutegurwa ku tariki ya 14 Werurwe 2022 yavuze ko kuri uwo munsi afite igitaramo gikomeye ari gutegura akaba ariyo mpamvu bamwe mu nshuti ze ndetse n’umubyeyi we bakomeje kumwifuriza amahirwe menshi kuri uwo munsi.

Mu gusoza icyo kiganiro Zuchu nibwo yumvikanye bwa Mbere avuga ko afite umusore bakundana kandi bamaranye igihe gitoya cyane, abajijwe umusore akunda ayavuze ko akunda umusore uringaniye kandi ukora siporo cyane , ibi byatumye abanyamakuru bongera kumubaza bati ubuse koko si Diamond .

Zuchu yahise ababwira ati reka mbabwize ukuri Diamond Ni umuntu w’agaciro mu buzima bwanjye naho kuba yandongora ni amahitamo ye niwe ubizi kandi bibaye nanjye ndi umuntu nareba icyangombwa .

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO