Dore amakuru aramutse avugwa mu igura n’igurishwa ry’abakinnyi ku mugabane w’I Burayi aho Arsenal yifuza Eden Hazard

Amakipe akomeye menshi akomeje kwifuza abakinnyi batandukanye mu rwego rwo gukomeza kwiyubaka mu nguni zose,kuri ubu haravugwa amakuru menshi aho abakinnyi batandukanye cyane cyane mu gihugu cy’Ubwongereza bashobora kugenda bahindura amakipe nkuko BBC ibitangaza.

Kuri ubu inkuru igezweho ni uko rutahizamu ukomeye cyane w’ikipe ya Liverpool ukomoka mu gihugu cya Misiri ariwe Mohhamed Sarah w’imyaka 29 ashobora gutegereza amasezerano ye akarangira bityo akazasohoka mu ikipe ya Liverpool ku buntu ibyo bita (free agent)

Umutoza we ukomoka mu gihugu cy’Ubudage Jurgen Klopp yirinze kugira byinshi atangaza ku masezerano mashya ya Mohhamed Sarah n’akazoza ke mu ikipe ya Liverpool.

Mu ikipe ya Borussia Dortmund haravugwamo inkuru ijyanye na rutahizamu Erling Braut Haaland, ukomoka mu gihugu cya Norvege aho uyu musore yasabye ikipe ye ko yamwandikira inyandiko ikubiyemo ibyo bifuza ku ikipe ishobora kwifuza uyu musore w’imyaka 21 y’amavuko dore ko uyu musore yifuza gusohoka muri iyi kipe mu mpeshyi iza aho arimo kugenda yifuzwa n’amakipe atandukanye arimo Manchester United, FC Barcelona, Real Madrid n’ayandi menshi cyane.

Mu ikipe ya Atletico Madrid biravugwako rutahizamu w’imyaka 35 y’amavuko Louis Suarez arasaba iyi kipe ko nibura yakina undi mwaka umwe ku mugabane w’Uburayi nubwo bivugwako uyu mukinnyi ateganya kugaruka mu gihugu cy’Ubwongereza mu ikipe ya Aston Villa.

Ikipe ya Manchester united nayo yamaze kumvikana n’umukinnyi w’imyaka 18 w’ikipe ya Brighton witwa Toby Collyer aho agoma gukinira iyi kipe imyaka itatu n’igice.

Ikipe ya Arsenal ubu noneho yinjiye murugamba rwo kurwanira umukinnyi Napoli Fabian Ruiz w’imyaka 25 y’amavuko,aho iyi kipe ikomeje kumurwanira uyu mukinnyi n’ikipe ya Barcelona ndetse na Real Madrid.

Ikipe ya Arsenal kandi yamaze kwegera ikipe ya Real Madrid aho yifuza gusinyisha kizigenza Eden Hazard ukomoka mu gihugu cy’Ububiligi dore ko uyu mukinnyi yagowe no kubona umwanya wo gukina muri iyi kipe.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO