Laetitia Mulumba nyuma yo gusobanukirwa yasohoye indirimbo ’Iherezo’

Umuririmbyikazi mu ndirimbo zo kuramya no guhimbaza Imana kuri ubu ubarizwa mu gihugu cy’Ubufaransa, nyuma yaho amaze gusobanukirwa neza agashyira hanze indirimbo "Himbaza", kuri ubu yamaze kuzana indi yibutsa abantu kuzagira iherezo ryiza.

Muri iyi ndirimbo yise ‘Iherezo’, umuhanzikazi Laetitia Dukunde Mulumba asaba abantu kwiga kubara iminsi yabo kugira ngo bazagire iherezo ryiza, bityo kuri wa munsi bazagororerwe n’Umwami Imana.

Laetitia avuga ko yanditse iyi ndirimbo nyuma yo kwitegereza abantu benshi yabonagaho imbaraga n’ubutwari agasanga barambitse hasi agakiza, bikamutera ubwoba.

Ati “Nkunda guhorana impungenge zo gutsindwa mu by’iyi nzira y’agakiza bitewe n’ibyo nabonye ku bantu nabonagaho gushinga imizi mu gakiza ariko nyuma bakaza gusubira inyuma. Aha ni ho nahereye nsaba Imana kunyigisha kubara iminsi yanjye, kimwe n’bandi.”

Avuga ko yatekereje gukora iyi ndirimbo ashingiye ku ijambo, akibaza biramutse bimubayeho. Ati “Iri jambo ngo utwigishe kubara iminsi yacu ni ijambo riboneka muri Bibiliya muri Zaburi ya 90:12."

Ahamya ko impamvu yo kubara iminsi yacu bivuga ngo twe kubaho nk’abapfapfa na Yesu yasize avuze ngo muhore mwiteguye amatabaza yanyu ahore yaka kuko mutazi umunsi n’igihe umukwe azazira.

Agira ati “Nibwira ko ibyo tubyibuka gake gashoboka kubera ibinaniza abagenzi.”
Laetitia Dukunde Mulumba yari aherutse gusohora indirimbo yise ‘Himbazwa’, agashimangira ko ari igihe cye cyo gukora. Ni indirimbo ibimburira izindi zose yanditse kuko yayanditse muri 2007.

Izina Mulumba, si rishya mu muziki wa hano mu Rwanda kuko ryubatse ibigwi n’ibirindiro igihe kinini kugeza na nubu. Laetitia Mulumba akaba ari umufasha wa Producer Mulumba John uzwi cyane ku izina rya Bill Gates.

Laetitia Mulumba kuri ubu abarizwa mu gihugu cy’u Bufaransa hamwe n’umuryango we. Producer Bill Gates niwe watunganyije iyi ndirimbo shya y’umufasha we yise ’Himbazwa’.

Umva hano indirimbo ‘IHEREZO’ ya LAETITIA DUKUNDE Mulumba

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO