ikipe ya APR FC n’andi makipe abiri bamaze gutanga ikirego muri FERWAFA

Ikipe ya APR FC hamwe na Gicumbi FC tutibagiwe n’ikipe ya Bugesera zose zamaze gutanga ikirego muri FERWAFA basaba gusuzuma ibyangombwa by’umukinnyi ukomoka mu gihugu cya Ghana witwa Opoku Mensah.

Biravugwa ko rutahizamu ukomoka mu gihugu cya Ghana witwa Opoku Mensah William usanzwe ushakira ibitego ikipe ya Mukura Victory Sports ko yaba adafite ibyangombwa bimwemerera gukina shampiyona y’U Rwanda.

Kuwa 28 Werurwe 2022 nibwo rutahizamu wa Mukura Victory Sports ukomoka muri Ghana yahishuye ko kuva uyu mwaka w’imikino watangira yakinaga adafite ibyangombwa bimwemerera gukina mu Rwanda(Work Permit)

Uyu mukinnyi yakomeje avuga ko nawe atazi uburyo icyangombwa cye cyaba cyarabonetse kuko adafite igihamya kimwemerera gukina mu Rwanda ndetse yakomeje avuga ko MD (Managing Director) wa Mukura Victory Sports witwa Gasana Gerome ngo yamubwiye ko nagera mu Rwanda azamuha pass port ye hamwe n’iyu mugore we.

Gusa ngo ntiyigeze ahabwa icyangombwa kimwemerera gukina mu rwanda
(Work Permit) icyakora ngo yakinaga afite licence imwemerera gukina gusa ngo nayo ntazi uburyo yabonetsemo kuko ngo byagizwemo uruhare n’ubuyobozi bwa Mukura gusa.

Nyuma y’aya makuru yatanzwe n’uyu mukinnyi amakipe atandukanye yatsinzwe na Mukura Victory Sports yahise atanga ikirego kugirango hasuzumwe ibijyanye n’ibyangombwa by’uyu mukinnyi ndetse banasaba ko nibasanga ibyo uyu mukinnyi yatangaje aribyo amakipe yatanze iki kirego yifuza ko Mukura Victory Sports yahita ifatirwa ibihano.

Kugeza magingo aya nta kintu Ishyirahamwe ry’umupira w’amaguru mu Rwanda (FERWAFA) bari batangaza kuri iki kibazo cy’umukinnyi Opoku Mensah William biravugwa ko FERWAFA igikomeje gushakisha amakuru afatika kuri iki kibazo.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO