Uwahoze ari Nyampinga wa Ukraine muri 2015 yeguye imbunda ajya kwivuna umwanzi mu ntambara n’Uburusiya

Umukobwa mwiza cyane ndetse akaba yaranabaye Miss wa Ukraine mu mwaka wa 2015 yinjiye mu ngabo z’igihugu cya Ukraine kugirango bahangane n’ingabo z’Uburusiya.

Anastasia Lenna wabaye Nyampinga wa Ukraine yamaze gusubiza perezida we Volodymr Zelensyk wahamagariye abatutage bari hagati y’imyaka 18 na 60 kudahunga ahubwo bagahashya umwanzi.

Nkuko yabigaragaje kuri Instagram ye, Miss Anastasia Lenna yagaragaye afite imbunda aho yiteguraga nawe kujya kurugamba ngo ahangane.

Mu magambo ye yagize ati " abaduteye bose bagomba gupfira ku butaka bwacu, Kandi isi yose igomba kubona ibi ngibi."

Byose byari byabanjirijwe n’ifoto yashyize kuri Instagram yagaragazaga igisirikare cya Ukraine kizengurutse umuhanda, maze yandikaho agira ati" Buri wese uragerageza kwambuka umupaka wa Ukraine agomba gupfa."

Uyu Nyampinga kandi yakomeje kwita perezida wa Ukraine umuyobozi wa nyawe kandi ukomeye.

Abaturage bari hagati y’imyaka 18 na 60 babujijwe guhunga kugirango bafatanye n’igisirikare guhangana n’ingabo z’Uburusiya.

Uyu Nyampinga kandi yakomeje avuga ko abari n’abategarugori ba Ukraine bakomeye Kandi ko badashobora gutsindwa.

Gusa Ukraine yamaze kwemera kohereza intumwa zijya kuganira n’Uburusiya ku mupaka wa Beralus.

Anastasia Lenna avuga indimi eshanu ndetse akaba yaranakoze akazi kajyanye no gusemura, Kuri ubu uyu mukobwa ni umwe mu bahisemo gushyira ibirungo by’ubwiza hasi yegura intwaro arwanira igihugu cye.

Nyampinga wa Ukraine 2015 yambariye urugamba

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO